Фрезерлеу тереңдігін реттеу (E суретін қараңыз)

Фрезерлеу тереңдігін реттеу жұмысын тек электр құралының өшірулі күйінде орындау керек.

Фрезерлеу тереңдігін шамамен реттеу үшін келесідей әрекет етіңіз:

• Фрезасы орнатылған электр құралын өңделетін дайындамаға қойыңыз.
• Сатылы тіректі (8) ең төменгі деңгейге орнатыңыз; сатылы тірек шерту дыбысымен тіреледі.
• Тереңдік шектегішіндегі қатпарлы бұранданы (9), тереңдік шектегіші (14) еркін жылжитындай етіп босатыңыз.
• Фрезерлеу тереңдігі бекіткішінің қысқыш иінтірегін (12) ➊ айналу бағытымен басып, жоғарғы фрезаны фреза (18) дайындама бетіне тигенше төмен қарай бағыттаңыз. Фрезерлеу тереңдігі бекіткішінің қысқыш иінтірегін (12) қайта жіберіп, осы батыру тереңдігін бекітіңіз. Қажет болса, фрезерлеу тереңдігі бекіткішінің қысқыш иінтірегін (12) ➋ айналу бағытымен басып, ақырғы күйіне бекітіңіз.
• Тереңдік шектегішін (14) сатылы тіректе (8) тұрғанша төмен қарай басыңыз. Көрсеткіш белгісі бар жапқышты (10) фрезерлеу тереңдігінің шкаласындағы (13) 0 күйіне орнатыңыз.
• Тереңдік шектегішін (14) қажетті фрезерлеу тереңдігіне орнатыңыз және тереңдік шектегішіндегі қатпарлы бұранданы (9) тартыңыз. Көрсеткіш белгісі бар жапқыштың (10) енді жылжымайтындығына көз жеткізіңіз.
• Фрезерлеу тереңдігі бекіткішінің қысқыш иінтірегін (12) ➊ айналу бағытымен басып, жоғарғы фрезаны ең жоғарғы күйіне апарыңыз.

Тереңірек фрезерлеу үшін әрқайсысының фрезерлеу тереңдігін төменірек орнатып, бірнеше рет орындап өту керек. Сатылы тіректің (8) көмегімен фрезерлеу процесін бірнеше сатыға бөлуге болады. Ол үшін фрезерлеу тереңдігін сатылы тіректің ең төменгі сатысымен орнатып, бірінші жұмыс берілістері үшін жоғарырақ сатылар таңдаңыз.

Сынақ жүрістен кейін фрезерлеу тереңдігін айналмалы тұтқаны (16) бұрау арқылы қажетті өлшемге дәлдеп реттеуге болады; фрезерлеу тереңдігін арттыру үшін тұтқаны сағат тілінің бағытымен, ал фрезерлеу тереңдігін азайту үшін тұтқаны сағат тілінің бағытына қарсы бұраңыз. Шкала (15) бағдарлау үшін пайдаланылады. Бір айналым қондырғының 1,5 мм жүрісіне тең, шкаланың (15) жоғарғы жиегіндегі бір бөлік қондырғының 0,1 мм жүрісіне тең. Максималды реттеу жүрісі ±16 мм құрайды.