Подесување на длабочината на глодање (види слика E)

Подесувањето на длабочината на глодање смее да се врши само доколку електричниот алат е исклучен.

За грубо подесување на длабочината на глодање постапете на следниот начин:

• Електричниот алат со монтирана глодалка поставете го на делот што се обработува.
• Градираниот граничник (8) поставете го на најнизок степен; се слуша кога градираниот граничник ќе се вклопи.
• Олабавете ја пеперутка-завртката на граничникот за длабочина (9), така што тој (14) ќе може слободно да се движи.
• Притиснете го затезниот лост за фиксирање на длабочината на глодање (12) во правец на вртење ➊ и водете ја површинската глодалка надолу, додека глодалката (18) не ја допре површината на делот за обработување. Повторно отпуштете го затезниот лост за фиксирање на длабочината на глодање (12) за да ја фиксирате оваа длабочина на вдлабнување. Доколку е потребно, притиснете го затезниот лост за фиксирање на длабочината на глодање (12) во правец на вртење ➋, за трајно да го фиксирате.
• Притиснете го граничникот за длабочина (14) надолу, додека не легне на градираниот граничник (8). Лизгачот со индексна ознака (10) поставете го на позиција 0 на скалата за длабочина на глодање (13).
• Поставете го граничникот за длабочина (14) на саканата длабочина за глодање и зацврстете ја пеперутка-завртката на граничникот за длабочина (9). Внимавајте на тоа, лизгачот со индексната ознака (10) да не го поместувате повеќе.
• Притиснете го затезниот лост за фиксирање на длабочината на глодање (12) во правец на вртење ➊ и водете ја површинската глодалка во најгорната позиција.

При големи длабочини на глодање треба да се направат повеќе процеси на обработка со помало вадење струготини. Со помош на градираниот граничник (8) може да го поделите процесот на глодање на повеќе степени. Притоа, подесете ја саканата длабочина на глодање со најнизок степен на градираниот граничник и за првиот процес на обработка изберете го највисокиот степен.

По пробата за глодање, со вртење на вртливото копче (16) можете да ја подесите длабочината на глодање точно на саканите димензии; свртете во правец на стрелките на часовникот за зголемување на длабочината на глодање, а за намалување на длабочината на глодање свртете во правец спротивен на стрелките на часовникот. Скалата (15) служи за ориентација. Едно вртење одговара на должина на подесување од 1,5 mm, една од цртичките на горниот раб на скалата (15) одговара на промена на должината на подесувањето за 0,1 mm. Максималната должина на подесување изнесува ±16 mm.