Жұмыс бойынша нұсқаулар

• Бетонның шашырауына жол бермеңіз. Әйтпесе тайғанап, электр құралын бақылау мүмкіндігінен айырылуыңыз мүмкін.

• Терең дірілдеткіш бетон ішінде болмаған кезде, электр құралын ұзақ уақыт қосып тұрмаңыз. Әйтпесе мойынтіректің қызмет ету мерзімі қысқаруы мүмкін.

• Ішкі дірілдеткішті жұмысты бастамас бұрын бірден қосыңыз.
• Берік әрі тұрақты жерге тұрыңыз. Алға қарай тым қатты еңкеймеңіз.
• Қозғалтқышқа тым қатты жүктеме түсірмеңіз және шлангінің бүгілуіне жол бермеңіз, себебі шланг сымы зақымдалуы мүмкін.
• Бетонның жеткілікті нығыздалуының белгілері - оның үстіңгі бетінің бүтін әрі тегіс болуы және ешқандай ауа көпіршіктерінің болмауы. Тым ұзақ дірілдету қатпарлануға (құм, қиыршық тас пен цементтің бөлінуі) және бетон беріктігінің жоғалуына әкеледі. Сондықтан жұмыс барысын бақылап тұрыңыз.
• Терең дірілдеткішті дірілдетілетін материал ішіне оның 8-10 диаметріне тең қашықтыққа батырыңыз, мысалы, терең дірілдеткіш диаметрі 35 мм = батыру қашықтығы 35 см, терең дірілдеткіш диаметрі 45 мм = батыру қашықтығы 45 см және т.с.с.
  D суретін қараңыз: X = (8 ... 10) x Ø _{терең дірілдеткіш}
• Бетонды бір қабат үстіне екіншісін құйған кезде терең дірілдеткішті әлдеқашан нығыздатылған төменгі қабатқа 10–15 см-ге енгізу керек, сонда қабаттар арасында жақсы ілінісу қамтамасыз етіледі.
• Нығыздатылатын бетте көпіршіктер мен қуыстардың пайда болуына жол бермеу үшін терең дірілдеткішті қозғалтқыштың қосылған күйінде дірілдетілетін материалдан баяу шығарыңыз.
• Қалыпқа зақым келтірмеу және терең дірілдеткіштің арматуралық өзектердің арасында қысылып қалуының алдын алу үшін қалыппен немесе арматурамен ұзақ жанасуға жол бермеңіз. Егер терең дірілдеткіш қысылып немесе тұрып қалса, оны шлангіден ұстап суырып шығармаңыз.

• Электр құралын қауіпсіз жерге сақтауға қойыңыз. Оның аударылмайтынына көз жеткізіңіз. Әйтпесе электр құралына зақым келтіруіңіз мүмкін.