Жұмыс істеуге дайындық

Электр құралын дайындама үстіне орналастырып, туралаңыз.
Магнит ажыратқышының (1) I түймесін басып, электр құралы дайындама бетінде ұсталғанына көз жеткізіңіз.
Қажет болса, электр құралын сақтандырғыш таспамен (28) бекітіңіз.

Қиғаш немесе тік күйде немесе бас үстінен орындалатын кез келген жұмыстар кезінде электр құралын жинақтағы сақтандырғыш таспамен түсіп қалудан сақтаңыз.

Пайдаланбас бұрын сақтандырғыш таспаның ақаусыз жұмысын тексеріп шығыңыз. Еш жағдайда зақымдалған сақтандырғыш таспаны пайдаланбаңыз, оны дереу алмастырыңыз.

Сақтандырғыш таспаны (28) электр құралына мүмкіндігінше саңылаусыз бекітіңіз.
Сақтандырғыш mаспаны бекіткіш (7) арқылы өткізіп, дайындамаға қойыңыз.
Сақтандырғыш таспаны тіреуіш механизмнің (26) көмегімен тартыңыз.
Сақтандырғыш таспаны босату үшін тіреуіш механизмдегі ысырманы (27) басып, сақтандырғыш таспаны тартып шығарыңыз.
Сақтандырғыш таспаны электр құралы сырғыған жағдайда өзіңізден ары жылжитындай етіп орналастырыңыз.

Жетек блогының биіктігін жұмыс барысында реттеуге тыйым салынады.

Жетек блогының биіктігін (10) алмалы-салмалы аспаптың ұзындығына және дайындаманың өлшеміне байланысты реттеуге болады.

Қол қос иінінің (4) көмегімен жетек блогының биіктігін (10) енгізілген алмалы-салмалы аспапқа сәйкес реттеңіз.